2Cor 4 | Ndebele | STEP | Ngakho-ke, lokhu silenkonzo le , njengoba senzelwa umusa , kasidinwa ;

2 Corinthians 4

UPawuli utshumayela ivangeli ngesibindi

1 Ngakho-ke, lokhu silenkonzo le ^a, njengoba senzelwa umusa ^b, kasidinwa ^c; 2 kodwa sizilahlile izinto ezifihliweyo zehlazo, singahambi ebuqilini ^d, singaphambanisi ilizwi likaNkulunkulu ^e, kodwa ngokwenza obala ^f iqiniso ^g siyazibuka ^h kuso sonke isazela ⁱ sabantu phambi kukaNkulunkulu. 3 Kodwa uba futhi ivangeli lethu lembesiwe ^j, lembesiwe kulabo ababhubhayo ^k; 4 okubo unkulunkulu ^l walelilizwe ^m uphumputhekisile ⁿ ingqondo zabangakholwayo ^o, ukuze kungakhanyi kubo ukukhanya ^p kwevangeli lenkazimulo kaKristu ^q, ongumfanekiso kaNkulunkulu ^r. 5 Ngoba kasizitshumayeli ^s, kodwa uKristu Jesu iNkosi; njalo thina sizinceku ^t zenu ngenxa kaJesu. 6 Ngoba uNkulunkulu owathi ukukhanya kukhanya kuvela ebumnyameni ^u, ukhanyisile ^v ezinhliziyweni zethu, ukupha ukukhanya kolwazi lwenkazimulo kaNkulunkulu ebusweni bukaJesu Kristu ^w.

Amandla avela kuNkulunkulu ayaqinisa ezinhluphekweni

7 Kodwa silalo leligugu ezitsheni zebumba ^{x
,} ^y, ukuze ubuhlekazi ^z bamandla bube ngobukaNkulunkulu, njalo bungaveli kithi; 8 siyaminyezelwa ^aa inhlangothi zonke, kodwa kasibandezeleki ^ab; siyadideka ^ac, kodwa kasilahli ithemba; 9 siyazingelwa ^ad, kodwa kasihlanyukwa ^ae; siwiselwa phansi ^af, kodwa kasibhujiswa; 10 sihamba sithwele njalonjalo ^ag ukufa kweNkosi uJesu emzimbeni, ukuze lempilo kaJesu ^ah ibonakaliswe emzimbeni wethu. 11 Ngoba thina esiphilayo sinikelwa njalonjalo ^ai ekufeni ngenxa kaJesu, ukuze lempilo kaJesu ibonakaliswe enyameni yethu efayo. 12 Ngakho ukufa ^aj kusebenza kithi, kodwa impilo kini. 13 Ngakho silalowomoya ^ak wokholo ^al, njengokulotshiweyo ukuthi: Ngakholwa ^am, ngakho ngakhuluma; lathi siyakholwa, ngakho lathi siyakhuluma ^an; 14 sisazi ukuthi lowo owayivusayo ^ao iNkosi uJesu uzasivusa lathi ^ap ngoJesu, asiveze ^aq kanye lani. 15 Ngoba zonke izinto ^ar zingenxa yenu, ukuze umusa ovamileyo, ngokubonga kwabanengi ^as, wengezelelwe kube ludumo lukaNkulunkulu ^at.

Ukulangathela ikhaya lezulwini

16 Ngakho-ke kasidinwa ^au, kodwa lanxa umuntu wethu wangaphandle ebhujiswa, kube kanti owangaphakathi ^av wenziwa abe mutsha ^aw insuku ngensuku. 17 Ngoba inhlupheko yethu elula ^ax engeyomzuzwana iyasisebenzela isisindo sobukhosi esilaphakade esingelakulinganiswa isibili ^ay, 18 singakhangeli okubonwayo ^az kodwa okungabonwayo; ngoba okubonwayo kungokwesikhathi ^ba; kodwa okungabonwayo ngokulaphakade.